«Երբ մենք խոսում ենք Լարսին այլընտրանք գտնելու կարևորության մասին, այդպիսի կարևորություն ո՛չ Վրաստանի, ո՛չ Ռուսաստանի համար չկա, քանի որ այդ երկու երկրներն էլ ունեն իրենց բեռներն արտաքին աշխարհին հասցնելու այլ տարբերակներ»,–ասում է Մելիքյանը։
Փորձագետը ընդգծում է, որ ամեն անգամ Լարսի հարցը քննարկելիս, Վրաստանում որոշակի հակահայ ալիք է առաջանում, քանի որ տեղի ընդդիմությունը շրջանառության մեջ է դնում այն վտանգավոր պնդումը, որ իբր Հայաստանի շահերից ելնելով Վրաստանի իշխանությունները ճանաչել են Աբխազիայի և Հարավային Օսեթիայի անկախությունը։
«Շատ կարևոր է, որ մինչև վրաց-ռուսական բանակցություններում առաջընթաց չարձանագրվի, Հայաստանի իշխանություններն ընդհանրապես չբարձրաձայնեն Լարսի անցակետի այլընտրանքի մասին։ Գոնե այս փուլում Լարսի հարցը պետք է քննարկվի դիվանագիտական խողովակներով` Թբիլիսիի և Մոսկվայի հետ առանձին-առանձին։ Քանի որ մինչև օրս Լարսի անցակետի այլընտրանքի մասին Երևանի հայտարարությունները բարդացրել են գործընթացը»,–ասում է Ջոնի Մելիքյանը ։