ԵՐԵՎԱՆ, 6 փետրվարի — Sputnik. Պետական եկամուտների կոմիտեի մաքսանենգության դեմ պայքարի վարչության աշխատակիցները մաքսանենգություն կատարելու կասկածանքով Երևանում բերման են ենթարկել ՀՀ քաղաքացի Կ.Հ.-ին։ Այս մասին հայտնում է ՊԵԿ մամուլի ծառայությունը։
Քաղաքացին բերման է ենթարկվել այն պահին, երբ «Հայփոստի» բաժանմունքից ստացել է Իսպանիայից իր անվամբ ՀՀ ուղարկված միջազգային փոստային առաքանին: Դրանում հայտնաբերվել է ավելի քան 17 գրամ քաշով «մարիխուանա» տեսակի թմրամիջոց:
Փաստի առթիվ ՊԵԿ քննչական վարչությունում հարուցվել է քրեական գործ։
Կ.Հ-ի նկատմամբ խափանման միջոց է ընտրվել կալանավորումը:
Իրականացվում է նախաքննություն: