ԵՐԵՎԱՆ, 23 հունվարի — Sputnik. «Խոզի գրիպի» հետ կապված իրավիճակը կայունանում է, համաճարակ չկա։ Այսօր հրավիրված ասուլիսի ժամանակ այս մասին ասաց Հայաստանի առողջապահության նախարար Արսեն Թորոսյանը։
Նրա խոսքով` H1N1 վիրուսը նկատվել է մի քանի հիվանդի մոտ, բայց նրանք բոլորը բուժվել են։ Կա նաև ուրիշ շտամ, որն ավելի հեշտ են տանում։
«H1N1–ի շտամի համաճարակ չկա։ Ընդհանրապես ոչ մի համաճարակ չկա։ Իրավիճակը կայունանում է։ Հուսով եմ, որ հաջորդ շաբաթ այդ թեմայով խոսելու պատճառներ չեն լինի», – ասաց Թորոսյանը։
Նշենք, որ ՀՀ-ում մահացության երկու դեպք է գրանցվել, որոնց մոտ հայտնաբերվել է գրիպի Ա տեսակի H1N1 ենթատեսակը: Մահվան պատճառը գրիպը չի եղել: Նրանք ունեցել են ուղեկցող հիվանդություններ։