ԵՐԵՎԱՆ, 22 հունվարի — Sputnik. Այս տարի կստեղծվի էլեկտրական մեքենաների լիցքավորման կայանների ցանց՝ 23 լիցքավորման կայանով, որոնք հասանելի կլինեն Հայաստանի ողջ տարածքում:
Այս մասին ասված է ՀՀ կառավարության Facebook-ի էջում։
Կառավարությունը հավանություն է տվել 2019թ-ի հուլիսի 1-ից էլեկտրական շարժիչով ավտոմեքենաների և մոտոցիկլետների (ոչ հիբրիդային) ներկրումն ԱԱՀ վճարումից ազատելու վերաբերյալ օրենքի նախագծին:
Արտոնությունը գործելու է մինչև 2022թ-ի հուլիսի 1-ը: