ԵՐԵՎԱՆ, 11 հունվարի — Sputnik. Ոստիկանության Երևան քաղաքի վարչությունում նյութեր են նախապատրաստվում Մանվել Գրիգորյանի փաստաբանի ավտոմեքենան վնասելու առերևույթ դեպքի առթիվ:
Այս մասին տեղեկացնում է ՀՀ գլխավոր դատախազության հանրային կապերի բաժնի ղեկավարը:
Ըստ Արևիկ Խաչատրյանի՝ նման հանձնարարություն է տվել Երևան քաղաքի դատախազ Գևորգ Բաղդասարյանը:
Հիշեցնենք՝ այսօր հունվարի 11-ին Վերաքննիչ դատարանի առջև բողոքի ցույցի մասնակիցները փակել էին փաստաբանի մեքենայի ճանապարհը՝ թույլ չտալով նրան հեռանալ տարածքից:
Փաստաբանին հաջողվեց տարածքից հեռանալ միայն ոստիկանների օգնությամբ:
Ավելի ուշ փաստաբանը նկար տարածեց, ըստ որի հասկանալի է դառնում, որ նրա մեքենայի վրա ինչ-որ ներկանման նյութ են լցրել:
Մանվել Գրիգորյանի փաստաբանի մեքենան վնասելու դեպքով նյութեր են նախապատրաստվում
© Photo