Կովկասյան ընձառյուծի հերթական «սելֆին». այս անգամ էլ նրան ֆիքսել են Ուրցաձորում

Ըստ World Land Trust-ի՝ քանի որ այս ենթատեսակը խիստ հազվագյուտ է, յուրաքանչյուր ապրելավայր, ինչպիսին հանդիսանում է Կովկասյան կենսաբազմազանության ապաստարանը, որը պահպանվում է WLT գործընկեր Վայրի բնության և մշակութային արժեքների պահպանման հիմնադրամի (FPWC) կողմից, աներևակայելի արժեքավոր է:

Ընձառյուծի այս ենթատեսակը միակն է, որը գրանցված է IUCN կարմիր ցուցակում՝ որպես վտանգված տեսակ (Threatened Species), ինչը նշանակում է, որ աշխարհում դեռ գոյություն ունի 1300 հասուն առանձնյակ: WLT նշում է, որ կենդանու վտանգման հիմնական գործոնը անմիջապես կենդանու և նրա որսի՝ բեզոարյան այծի և մուֆլոնի որսագողությունն է:

Հիշեցնենք, որ այս տարվա ապրիլին «Խոսրովի անտառ» պետական արգելոցում Բնության համաշխարհային հիմնադրամի (WWF) ֆոտոթակարդներն առաջին անգամ արգելոցի պատմության մեջ նկարահանեցին երիտասարդ արու կովկասյան ընձառյուծի:

Econews.am-ը փոխանցում է, որ Հայաստանի կենդանիների կարմիր գրքի տվյալների համաձայն՝ Հայաստանում կովկասյան ընձառյուծի (հայտնի է նաև որպես պարսկական ընձառյուծ) պոպուլյացիայի առավելագույն մեծ թվաքանակը հաշվվում է 10-15 առանձնյակ (2012թ.): Կենդանին գրանցված է ԽՍՀՄ Կարմիր գրքում, ենթատեսակն ընդգրկված է ԲՊՄՄ Կարմիր ցուցակում (ver. 3.1) «Endangered EN C2a(i)», իսկ տեսակը` «Near Threatened» կարգավիճակով: ԲՊՄՄ Կարմիր ցուցակի չափորոշիչներով գնահատվում է որպես «Կրիտիկական վիճակում գտնվող»` CR C2a(i); D: