ԵՐԵՎԱՆ, 21 դեկտեմբերի — Sputnik. Արգենտինայում դատավոր Կլաուդիո Բոնադիոյի հրամանով Բուենոս Այրեսի ոստիկանությունը խուզարկություն է իրականացնել արգենտինահայ գործարար Էդուարդո Էռնեկյանի սեփականություն հանդիսացող երկու առանձնատներում։ Խուզարկությունն իրականացվել է կաշառքի գործի շրջանակներում:
Դատական աղբյուրները հաստատել են`խուզարկություններ կատարվել են գործարարի Պալերմոյի, Բոնփլենդի 1800 գրասենյակներում և նրա առանձնատներում։
Էռնեկյանն իր «Helport» շինարարական ընկերության միջոցով մի քանի մրցույթների է մասնակցել: Հաղթող նախագծերի շարքում էր Նիուգենում Չիջուիդոյի ամբարտակը, որի ֆինանսավորումը պետք է արվեր ռուսական կողմից, բայց ձախողվեց: Նրա թիմը նաև ձգտում էր Սանտա Քրուզում ամբարտակներ կառուցել, թեպետ այդ աշխատանքն իրականացնելու իրավունքը ստացել էր «Electroingeniería» ընկերությունը:
Էռնեկյանի եղբորորդին` Հուգո Էռնեկյանը, ներկայումս ղեկավարում է թիմի էներգետիկ ընկերությունները, ինչպիսիք են «Compañía General de Combustibles» (CGC) նավթային և էներգետիկ ոլորտին առնչվող այլ ընկերություններ:
Հուգո Էռնեկյանը կամավոր ներկայացել է դատարան` իր անվան հետ կապված խնդրի հստակեցման համար, տեղեկացրել է «Corporación América»-ն իր հայտարարությունում։