ԵՐԵՎԱՆ, 3 դեկտեմբերի – Sputnik. Երեկ՝ դեկտեմբերի 2-ին, մահվան ելքով վրաերթ է տեղի ունեցել Գեղարքունիքի մարզում։ Այս մասին հայտնում է shamshyan.com–ը։
Ժամը 20։40-ի սահմանում Գեղարքունիքի մարզի Գեղամասար գյուղի բնակիչներից մեկը՝ 24-ամյա Վիկտոր Ցականյանը, Mercedes մակնիշի ավտոմեքենայով Մարտունի-Վարդենիս-Քարվաճառ ավտոճանապարհի 36 կմ հատվածում վրաերթի է ենթարկել Արմավիրի մարզի Կողբավան գյուղի բնակիչ, 29-ամյա Վարուժան Հարությունյանին։
Վարորդը դեպքի վայրից չի փախել, զանգել է համապատասխան ծառայություններ։
Դեպքի վայր ժամանած շտապօգնության բժիշկների հերթապահ խումբն արձանագրել է, որ վրաերթի ենթարկվածը մահացել է։