Մինսկում «Մանկական Եվրատեսիլի» բեմը սպասում է հայաստանցի փոքրիկ երգչին. տեսանյութ

Sputnik–ի տեսանյութը «Մինսկ Արենա»–ից նախապատրաստվել է երաժշտական շոուի մեկնարկից մոտ երկու շաբաթ առաջ։ Բելառուսը կընդունի «Եվրատեսիլ 2018» երգի մանկական մրցույթը նոյեմբերի 25-ին. հաղթանակի համար կպայքարի 20 երկիր, այդ թվում նաև Հայաստանը։ 

Մրցույթի համար արդեն ամեն ինչ պատրաստ է։ «Մինսկ Արենա»–ում տեղադրվել է բեմը, իսկ լուսավորության վրա Բելառուսի հեռուստառադիոընկերության ավելի քան հարյուր մասնագետ է աշխատել։

Կազմակերպիչների խոսքով , շուն խոստանում է մանկական «Եվրատեսիլի» ողջ պատմության մեջ լինել ամենատպավորիչը։ Նրանք բազմաթիվ անակնկալներ են պատրաստել հանդիսատեսի համար, սակայն այժմ դրանք խիստ գաղտնի են պահում։

Մինսկում մանկական «Եվրատեսիլ» արդեն անցկացվել է 2010 թվականին։

Հիշեցնենք` սեպտեմբերին ավարտվեց «Դեպի մանկական Եվրատեսիլ» Հայաստանի հանրային հեռուստատեսության նախագիծը, որի արդյունքում որոշվեց միջազգային երգի մրցույթի մասնակիցը։ Հայաստանը «Մանկական Եվրատեսիլում» այս տարի կներկայացնի L.E.V.O.N–ը` նույնանուն երգով։