ԵՐԵՎԱՆ, 14 նոյեմբերի – Sputnik. «Հանրապետություն» և «Ազատ դեմոկրատներ» կուսակցություններից ձևավորված «Մենք» դաշինքի ընտրական ցուցակը հրապարակվեց։
Ցուցակը գլխավորելու է «Հանրապետություն» կուսակցության առաջնորդ Արամ Սարգսյանը: Նրան կհաջորդի «Ազատ Դեմոկրատների» նախագահ Խաչատուր Քոքոբելյանը։
Երրորդ հորիզոնականում «Ազատ դեմոկրատներ» կուսակցության փոխնախագահ Անժելա Խաչատրյանը, չորրորդում` «Հանրապետությունից» Արտակ Զեյնալյանը, հինգերորդում` Բորիս Նազարյանը։
Ցուցակի 6-րդ հորիզոնականում «Ազատ դեմոկրատներից» Մասիս Այվազյանն է, այնուհետև հաջորդում են Անահիտ Ադամյանը (անկուսակցական), Սոնա Մինասյանը (Ազատ դեմոկրատներ), Արա Կետիկյանը (Հանրապետություն, ԵԿՄ անդամ), իսկ տասնյակը եզրափակում է «Ազատ դեմոկրատներից» Արմեն Առաքելյանը:
«Հանրապետություն» և «Ազատ դեմոկրատներ» կուսակցությունները նոյեմբերի 10-ին ստորագրել էին համագործակցության հուշագիր, ըստ որի՝ ԱԺ արտահերթ ընտրությանը մասնակցում են «Մենք» դաշինքով։
ԱԺ արտահերթ ընտրությունը նախատեսված է դեկտեմբերի 9-ին: