Ռուսաստանի ԱԳՆ պաշտոնական ներկայացուցիչ Մարիա Զախարովան Instagram սոցցանցի իր էջում հրապարակել է մի տեսանյութ, որում երգչուհի Զառան երգում է «Քեզ համար, սիրելիս» ստեղծագործությունը։
«Ահա և նոր երգը. երաժշտությունը` @fadeevmaxim, բառերն իմն են։ Երգում է Զառան։ Ոչ թե երգում է, այլ ապրում...», – գրել է Զախարովան։
Երգի պրեմիերան տեղի է ունեցել 2018 թվականի հուլիսի 9-ին Վիտեբսկում, «Սլավյանսկի բազար» փառատոնում։
Երաժշտությունը գրել է կոմպոզիտոր Մաքսիմ Ֆադեևը, խոսքը` Ռուսաստանի ԱԳՆ տեղեկատվության և մամուլի բաժնի տնօրեն Մարիա Զախարովան։
2017 թվականին Մոսկվայի միջազգային կինոփառատոնի բացմանը երգչուհի Նարգիզ Զակիրովան կատարել էր Մարիա Զախարովայի գրած «Վերադարձրեք հիշողությունը» երգը։ Զախարովան հեղինակել է նաև Կատյա Լելի «Ամբողջովին» երգի խոսքերը։