ԵՐԵՎԱՆ, 9 հոկտեմբերի — Sputnik. ՀՀ վաղվա նիստի օրակարգում ի թիվս այլ հարցերի ներառված է նաև ««Հայաստանի Հանրապետության կառավարության և Ռուսաստանի Դաշնության կառավարության միջև «ՀայՌուսգազարդ» փակ բաժնետիրական ընկերության բաժնետոմսերի առուվաճառքի և հետագա գործունեության պայմանների մասին 2013 թվականի դեկտեմբերի 2-ի համաձայնագրում փոփոխություններ կատարելու մասին» արձանագրությունը հաստատելու մասին» ՀՀ նախագահի հրամանագրի նախագիծը։
Կառավարության հաստատումից հետո այն կներկայացվի ԱԺ հաստատմանը, ապա կստորագրվի ՀՀ նախագահ Արմեն Սարգսյանի կողմից։
Այս համաձայնագրում առաջարկվող հիմանական փոփոխությունները վերաբերում են սպառողներին մատակարարվող գազի սակագնին։ Ըստ փաստաթղթի` 2018թ–ի ընթացքում սպառողներին մատուցվող գազի սակագինը կպահպանվի և որևէ փոփոխության չի ենթարկվի։ Իսկ 2019թ.–ին գազի սակագնի հնարավոր փոփոխության համար «Գազպրոմ Արմենիան» հանրային ծառայությունները կարգավորող հանձնաժողովին դիմելու իրավունք կստանա միայն նոյեմբերի 1-ին։
Հիշեցնենք` Նիկոլ Փաշինյանը Ռուսաստան այցի ընթացքում հայտարարվեց, որ երկու երկրների ղեկավարները քննարկել են Հայաստանին վաճառվող գազի գինը։ Ռուսական կողմն ընդգծել է, որ Հայաստանին ամենաէժան գազն է վաճառվում։
Նշենք, որ Հայաստանին ռուսական գազը սահմանին տրամադրվում է 1000 խմ-ի դիմաց 150 դոլարով, բայց սպառողին այն հասնում է 290 դոլարով։