Զագիտովան սահադաշտ է դուրս եկել արձակած մազերով, իրանը գրկող սև կոստյումով ու կաշվե բաճկոնով և սահել է 2WEI — Survivor երգի տակ։ Այդ երգը «Թոմբ Ռայդեր. Լարա Քրոֆթ» ֆիլմի սաունդթրեքն է։
Ելույթն իսկապես տպավորիչ է եղել, իսկ Զագիտովան շատ գայթակղիչ տեսք է ունեցել կաշվե կոստյումով։
Իր ծրագրի ընթացքում գեղասահորդուհին կատարել է մի քանի եռակի ցատկ և տեխնիկական բարդ պտույտների շարք` արժանանալով հանդիսատեսի բուռն ծափահարություններին։
Նա կարճ ծրագրում ստացել է 79,93 միավոր, ազատ ծրագրում` 158,50, ընդհանուր առմամբ` ռեկորդային 238,43 միավոր, որի շնորհիվ հաղթել է Nebelhorn Trophy մրցաշարում կանանց մենասահքում։