Նրա խոսքով` Փաշինյանը փորձում էր ավելի պատկերավոր ներկայացնել, թե ինչու է կարևոր Արցախի ժողովրդի ինքնորոշման իրավունքի իրացումը, քանզի աշխարհում շատ հայտնի է, թե ինչ է կատարվել 1915թ.–ին։
«Ըմբռնումով պետք է ընդունվի, որ Լեռնային Ղարաբաղի բնակչությունը, որի ճնշող մեծամասնությունը հայեր են դեռ խորհրդային ժամանակներից, լիիրավ իրավունք ունի ինքնորոշվելու Ադրբեջանից»,–ընդգծում է Բոզոյանը։
Խոսելով Արցախին բանակցային գործընթաց ներգրավելու մասին` քաղաքագետը նկատում է, որ բանակցային ֆորմատում Արցախի մասնակցության դրույթը ենթադրվում է։ «Ե՛վ միջնորդները, և՛ կողմերը համաձայնել են, որ բանակցությունների վերջնարդյունքում ԼՂՀ ներկայացուցիչները պետք է մասնակցեն որպես լիիրավ կողմ։ Ուղղակի կողմերը որոշակի ընդհանուր հայտարարի պիտի գան, որից հետո հնարավոր լինի, որ ԼՂՀ ներկայացուցիչները միանան այդ ֆորմատին»,–ասում է Բոզոյանը։
Նրա խոսքով` այս փուլում Ադրբեջանը դեմ կլինի, որ ԼՂՀ ներկայացուցիչները մասնակցություն ունենան բանակցություններին։