ԵՐԵՎԱՆ, 26 սեպտեմբերի — Sputnik. ՀՀ արտգործնախարարի մամուլի քարտուղար Տիգրան Բալայանն այսօր լրագրողների հետ ճեպազրույցում մեկնաբանել է, թե ինչու ԱՄՆ-ում չկայացավ Փաշինյան-Թրամփ հանդիպումը։
«Հանդիպումը տեղի չունեցավ ԱՄՆ-ի ու Հայաստանի ղեկավարների օրակարգերի սղության պատճառով», — ասաց Տիգրան Բալայանը` միաժամանակ ընդգծելով, որ հանդիպման նպատակադրություն եղել է և՛ հայկական, և՛ ամերիկյան կողմից։
Բալայանը նաև նշել է, որ, անկախ չկայացած հանդիպումից, նախապատրաստական աշխատանքները շարունակվում են:
Հիշեցնենք` արտգործնախարար Զոհրաբ Մնացականյանն ավելի վաղ նշել էր, որ այդ հանդիպումը չի կարող կայանալ հապճեպ կարգով։
Փաշինյանը Նյու Յորք է մեկնել սեպտեմբերի 23-ին, ԱՄՆ-ից նա կմեկնի Տաջիկստան և Հայաստան կվերադառնա սեպտեմբերի 29-ին։