ԵՐԵՎԱՆ, 12 սեպտեմբերի — Sputnik. Խաչատուրյան քույրերից ավագին` Քրիստինային, որին մեղադրում են Մոսկվայում 57–ամյա հոր սպանության մեջ, տեղափոխել են Վ. Պ. Սերբսկու անվան հոգեբուժության և նարկոլոգիայի ազգային բժշկական հետազոտական կենտրոն` հոգեբուժական փորձաքննության։
Այդ մասին չորեքշաբթի ՏԱՍՍ–ին հաղորդել է Մոսկվայի Հասարակական դիտորդական հանձնաժողովի պատասխանատու քարտուղար Իվան Մելնիկովը։
«Քրիստինա Խաչատուրյանը` քույրերից ավագը, որոնց քննությունը մեղադրում է հոր սպանության մեջ, №6 քննչական մեկուսարանից տեղափոխվել է Սերբսկու անվան ինստիտուտ», – հաղորդել է նա։
Մելնիկովի խոսքով` հիմա №6 քննչական մեկուսարանում է մնում Անգելինա Խաչատուրյանը։
Աղմկահարույց սպանությունը տեղի է ունեցել հուլիսի 27-ին Մոսկվայի հյուսիս-արևելքում։ Երեք քույրերը հայտնել էին իրենց հորը` Միխայիլ Խաչատուրյանին սպանելու մասին։
Հարցաքննության ժամանակ քույրերը խոստովանել էին իրենց մեղքը և բացատրել, որ «իրենք վատ հարաբերություններ են ունեցել հոր հետ, քանի որ հայրը տարիներ շարունակ բարոյապես տանջել է նրանց»։ Մոսկվայի Օստանկինյան դատարանը օգոստոսի 2-ին կալանավորել է երեք քույրերին։