ԵՐԵՎԱՆ, 11 սեպտեմբերի — Sputnik. Հայաստանի առանձին շրջաններում սեպտեմբերի 11-ի երեկոյան անձրև կտեղա։
Այս մասին հայտնում է «Հիդրոմետ» ծառայությունը։ Օդերևութաբանները երեկոյան ժամերին տեղումներ են կանխատեսում հանրապետության հյուսիսային շրջաններում։ Հնարավոր է նաև կարկուտ:
Անձրևի ժամանակ քամու ուժգնությունը կարող է հասնել մինչև վայրկյանում 15-20 մետրի։
Օդի ջերմաստիճանն այսօր էապես չի փոխվի:
Երևանում կարճատև անձրև կարող է նկատվել քաղաքի տարբեր հատվածներում։
Այսօր` սեպտեմբերի 11-ին, մայրաքաղաքում օդի ջերմաստիճանը ցերեկային ժամերին կլինի 30-32, երեկոյան` 24-26 աստիճան տաքություն։