ԵՐԵՎԱՆ, 9 սեպտեմբերի — Sputnik. Եթե քննությունը մեղադրում է ՀՀ նախկին վարչապետ Հովիկ Աբրահամյանին, ուրեմն դրա հիմքերն ունի։
Այս մասին Նիկոլ Փաշինյանը հայտնել է լրագրողներին Տավուշի մարզում։
ՀՀ վարչապետի խոսքով՝ նա լրատվամիջոցներից է իմացել, որ Աբրահամյանին մեղադրանք է ներկայացվել, մինչ այդ նա տեղյակ չի եղել։
«Երբ ես նշանակում էի քննչական մարմինների ղեկավարներին, ես մի պայման դրեցի՝ գործունեությունը պետք է լինի հարյուր տոկոսով օրինական, առանց քաղաքականության ու կաշկանդվածության։ Այդ պատճառով, եթե մեղադրանք է ներկայացվել, ուրեմն դրա համար հիմքեր են եղել», — ասել է նա։
Հիշեցնենք՝ սեպտեմբերի 5-ին ՀՀ Հատուկ քննչական ծառայությունը հարցաքննել է Հովիկ Աբրահամյանին 2008 թվականի մարտի 1-2 իրադարձությունների գործով, որից հետո նրանից չմեկնելու մասին ստորագրություն են վերցել։ Աբրահամյանն այդ գործողությունները քաղաքական հետապնդում է անվանել։
Նշենք՝ 2008-2014 թվականներին Հովիկ Աբրահամյանը ԱԺ խոսնակ էր, 2014-2016 թվականներին՝ վարչապետ։ 2008 թվականի ընտրությունների ժամանակ նա Սերժ Սարգսյանի շտաբի պետն էր։