ԵՐԵՎԱՆ, 30 օգոստոսի — Sputnik. Վրաստանի Խաշուրի շրջանի Ցեդանի գյուղի հարակից անտառում բռնկված հրդեհը արդեն երկրորդ օրն է մարել չի հաջողվում:
Sputnik Վրաստանը տեղեկացնում է, որ Շիդա Քարթլի ռեգիոնում ծավալվող այս հրդեհի դեմ պայքարում են 220 հրշեջ-փրկարարներ և տեխնիկայի 15 միավոր:
Օդից աշխատանքներին աջակցում է Վրաստանի ՆԳՆ սահմանապահ ոստիկանության ուղղաթիռը: Օդային ուժերը պայքարում են կոնկրետ մի հատվածում, որտեղ հրշեջները և ցամաքային տեխնիկան չեն կարող հասնել:
Արդեն այրվել է մոտ 10-ը հեկտար տարածք, իսկ կրակի տարածմանը նպաստում է քամին: