ԵՐԵՎԱՆ, 23 օգոստոսի — Sputnik. ՀԱՊԿ գլխավոր քարտուղար Յուրի Խաչատուրովը քաղհայց է ներկայացրել ընդդեմ քաղաքագետ Ստեփան Գրիգորյանի։ Այս մասին տեղեկատվություն կա ՀՀ դատական տեղեկատվական համակարգում (Datalex)։
Հարցազրույցներից մեկի ժամանակ Գրիգորյանը Խաչատուրովին մեղադրել է, որ վերջինս 2016 թվականի ապրիլյան քառօրյայի ժամանակ իր պարտականությունները չի կատարել։ Այն ժամանակ գեներալ–գնդապետ Խաչատուրովը գլխավորում էր ՀՀ ԶՈՒ գլխավոր շտաբը։
Խաչատուրովը Գրիգորյանից հանրային հերքում է պահանջում, ինչպես նաև իր պատվի և արժանապատվության բարոյական վնասի փոխհատուցում։
Ավելին, Գրիգորյանը հայտարարել էր Խաչատուրովի և ևս մի քանի գեներալների հաշիվները ստուգելու անհրաժեշտության մասին` ավելացնելով, թե «տարածքներն անվճար չեն հանձնվում»։