Հրաշքով են փրկվել մահից. «Քյարքիի ոլորաններում» ավտոմեքենան ձորն է ընկել. լուսանկար

ԵՐԵՎԱՆ, 19 օգոստոսի — Sputnik. Երևան-Մեղրի մայրուղու` «Քյարքիի ոլորաններում» հերթական պատահարն է գրանցվել։ Այս մասին հայտնում է Sputnik Արմենիայի թղթակիցը դեպի վայրից։

21 014 պետհամարանիշով «Լադա» մակնիշի ավտոմեքենան այսօր` օգոստոսի 19-ին, ընկել է մոտ 50 մետր խորությամբ ձորը։ Ավտոմեքենան վնասվել է։, բայց բոլոր նրանք, ովքեր եղել են մեքենայում` վարորդն ու երկու ուղևորները, երջանիկ պատահականությամբ փրկվել են։

Դեպքի վայր են ժամանել փրկարարները, որոնք տուժածներին հիվանդանոց կտեղափոխեն։

Արարատյան դաշտը Հայաստանի լեռնային հարավից բաժանող Տիգրանաշեն գյուղի մերձակայքում գտնվող ոլորանները վտանգավոր են համարվում, հատկապես օրվա մութ ժամին։