ԵՐԵՎԱՆ, 12 օգոստոսի — Sputnik. Դիզելային վառելիք տեղափոխող բեռնատար գնացքը շեղվել է ռելսերից Կիրչա կամրջի վրա Ռումինիայի հարավային մասում։ Այս մասին հայտնում են ռումինական լրատվամիջոցները։
23 վագոնից կազմված գնացքը նավթամթերք էր տեղափոխում։ Գնացքաքարշն ու վեց վագոնները շեղվել են ռելսերից Կիրչա կամրջի վրա, վերանորոգման մեջ գտնվող կամուրջը փուլ է եկել։
Միջադեպից ոչ ոք չի տուժել։ Վթարի վայրում վառելիք է թափվել։
Պարզվում է՝ մեքենավարն անտեսել է կարմիր ազդանշանը ու դուրս է եկել երկաթգիծ, որը փակ էր հիմնանորոգման պատճառով։
Հայտնում են նաև, որ վթարի պահին մեքենավարը սթափ չի եղել։ Ներքին հետաքննություն է սկսվել։