Դավիթաշենում նոր հետիոտնային անցում կգործարկվի

ԵՐԵՎԱՆ, 9 օգոստոսի — Sputnik. Երևանի Դավիթաշեն թաղամասի վերջնամասում՝ նոր հետիոտնային անցում կկազմակերպվի:

ՀՀ ոստիկանության հասարակայնության հետ կապերի և լրատվության վարչությունից տեղեկացնում են, որ հետիոտն երթևեկողների անվտանգության բարելավման նպատակով Երևանից Եղվարդ տանող ճանապարհի՝ Դավիթաշեն թաղամասի վերջնամասի հատվածում օգոստոսի 9-ից կգործի արհեստական անհարթության հետ համատեղված և անհրաժեշտ ճանապարհային նշաններով ու գծանշումներով կահավորված հետիոտնային անցում: