Արդեն քանի օր է կիլոմետրերով հերթը չի պակասում։ Վերին Լարսի կուտակումների խնդրով մտահոգ օրերս սահման մեկնեց ՀՀ Տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը, ինչպես նաև Վրաստանում Հայաստանի դեսպան Ռուբեն Սադոյանը։
Նրանք զրուցեցին վարորդների հետ, հանդիպում–քննարկում ունեցան ռուսական կողմի պատասխանատուների հետ։ Վարորդները նշում են, որ հերթի գոյացման պատճառներից մեկը նաև այն է, որ նախապատվություն է տրվում մարդատար ավտոմեքենաներին, ինչի պատճառով բեռնատարները կուտակվում են։
Հայկական և ռուսական կողմերը որոշեցին կարճ ժամանակում հակաճգնաժամային պլան մշակել, որը կթեթևացնի ստեղծված իրավիճակը։
Sputnik Գրուզիայի մեր գործընկերների պատրաստած տեսանյութում ներկայացվում է Վերին Լարսում այսօր ստեղծված իրավիճակը։