Սերբացի տաղանդավոր նկարչուհի և դիմահարդար Մարիաննա Միլոշեվիչը «կորցնում է մարդկանց գլուխները»…և դա անում է դիմահարդարման խոզանակների օգնությամբ։ Նա ներկում է մարմինը և մղձավանջ պատկերում։
Մարիաննա խոստովանում է, որ մի անգամ հայելու առաջ նստած ժամանակ երկար մտորում էր։ Ինչ-որ պահ նրան թվաց, թե իր գլուխը չկա։ Այդպես էլ ծնվեց այս խելահեղ գաղափարը։
Նկարչուհուն ինքնատիպ կերպարներ ստեղծելու համար պետք են խոզանակներ, հայելի և երաժշտություն։
Նրան գրավում է body art-ը, իսկ կտավի հանդեպ նա անտարբեր է։
«Ես միշտ նկարելու համար այլ մակերեսներ եմ փնտրել։ Առաջ պատերի վրա էի նկարում, սեղանի։ Ծնողներս ասում են, որ ես ավելի շուտ սովորել եմ նկարել, քան քայլել»,–խոստովանում է նկարչուհին։
«Անգլուխ աղջիկը» տեսանյութը համացանցում մոտ 3 միլիոն դիտում ունի։