ԵՐԵՎԱՆ, 31 հուլիսի — Sputnik. Հայաստանի Հանրապետական կուսակցությունը ստորագրահավաք է սկսել Ռոբերտ Քոչարյանի խափանման միջոցը փոխելու պահանջով:
Այս մասին Sputnik Արմենիային հայտնեց կուսակցության փոխնախագահ Արմեն Աշոտյանը:
«Մեր սկսած գործընթացը բխում է թե՛ կուսակցության, թե՛ խմբակցության կողմից գործի առնչությամբ արված հայտարարություններից»,- ասաց նա:
ՀՀԿ փոխնախագահը նաև հավելեց, որ ստորագրությունները հետագայում որպես պատգամավորների անձնական երաշխավորություն կներկայացվեն դատարան՝ Ռոբերտ Քոչարյանի նկատմամբ ընտրված խափանման միջոց կալանքը փոխելու համար: