«Սահմանադրության 140 հոդվածը անհեթեթություն է, որովհետև դա առաջացնում է համակարգային հակամարտություն։ Այս 140–րդ հոդվածը նշանակում է, որ մեր պետական իշխանությունը շատ վատն է և տեսականորեն կարող է ցանկացած էքս նախագահի հետապնդել։ Եվ որպեսզի չհետապնդի, մենք նախկին նախագահներին տալիս ենք անձեռնմխելիություն։ Եթե այդպես է, ուրեմն 1–ին հոդվածում ոչ թե պետք է նշվեր, որ ՀՀ–ն իրավական, ժողովրդական պետություն է, այլ վայրենի, որովհետև միայն վայրենի պետությունը տեսականորեն կարող է կարգավիճակից բխող գործողությունների համար հետապնդել նախկին նախագահներին»,–ասում է Այվազյանը։
Սահմանադրագետի կարծիքով` իրավական պետությունում որևէ պաշտոնյա չպետք է լինի անձեռնմխելի։
Նրա խոսքով` որևէ անձ, եթե հանցանք է գործել, ինչ պաշտոնել զբաղեցնի, պետք է պատժվի, և որևէ անձեռնմխելիություն չպետք է նրան փրկի։