ԵՐԵՎԱՆ, 28 հուլիսի — Sputnik. Յուրի Խաչատուրովի նկատմամբ գրավը ճանաչվել է կիրառելի: Որպես այլընտրանքային խափանման միջոց նրա նկատմամբ գրավի չափը չի գերազանցում պրակտիկայում ընդունված չափը՝ հինգ միլիոն դրամը:
Գումարը, ըստ նրա փաստաբան Միհրան Պողոսյանի, այժմ փորձում են հավաքել հարազատներն ու ընկերները:
ՀԱՊԿ գլխավոր քարտուղարը պայմանական ազատության մեջ կլինի, երբ գրավի մուծման անդորրագիրը ներկայացվի վարույթ իրականացնող մարմնին:
Ըստ փաստաբանի՝ ՀԱՊԿ-ից ոչ ոք կապ չի հաստատել այս գործի հետ կապված որևէ արձագանք տալու համար: