ԵՐԵՎԱՆ, 16 հուլիսի — Sputnik. Օրենբուրգի արդյունաբերական շրջանային դատարանը Հայաստանի 48-ամյա քաղաքացուն մեղավոր է ճանաչել թմրանյութերն ապօրինի իրացնելու և պահելու համար։ Այս մասին հայտնում է proOren.ru կայքը։
Աղբյուրի տվյալով` Օրենբուրգի իրավապահ մարմինները Հայաստանի քաղաքացուն բերման են ենթարկել ավելի քան 10 գրամ մարիխուանա վաճառելու կասկածանքով։ Քաղաքացին ձերբակալվել է, նրա տունը խուզարկել են։
Օպերատիվ-հետախուզական գործողությունների արդյունքում ձերբակալվածի բնակության վայրում գտել են 8,22 գրամ թմրանյութ։
Դատարանը Հայաստանի քաղաքացուն մեղավոր է ճանաչել թմրանյութերն անօրինական ճանապարհով իրացնելու, տանը գտածի համար` առանց իրացման նպատակի ապօրինի պահելու համար։ Տղամարդը դատապարտվել է 8 տարվա ազատազրկման խիստ ռեժիմի ուղղիչ գաղութում։