Ռուսաստանի ԱԻՆ ինքնաթիռը Հայաստանից Սիրիա է տեղափոխել 30 տոննա մարդասիրական օգնություն։
Բեռը «Զվարթնոց» օդանավակայանից տեղափոխվել է Սիրիայի Հմեյմիմ օդանավակայան։ Օգնությունը կբաժանվի Սիրիայի բնակիչներին։ Մասնավորապես, սիրիացիները կստանան հնդկաձավար, բրինձ, բուսական յուղ, ինչպես նաև առաջին անհրաժեշտության պարագաներ։ Ընդհանուր առմամբ` Հայաստանից Հմեյմիմ նախատեսվում է առաքել մոտ 100 տոննա մարդասիրական բեռ։
Կադրերում երևում է բեռնելու գործընթացը և Ռուսաստանի ԱԻՆ ռազմատրանսպորտային ինքնաթիռի վերելքը։