Facebook-ի հայկական տիրույթում այսօր` հուլիսի 4-ին, տարածվել է Բաքվի աշտարակներից մեկի լուսանկարը, որը ողողված է հայկական դրոշի գույներով։
Համացանցի օգտատերերից շատերը մտածում են, որ լուսանկարը ֆոտոշոփի հետևանք է։ Մյուսները վստահեցնում են, որ Ադրբեջանում հերթական անգամ հայկական դրոշը շփոթել են Կոլումբիայի դրոշի հետ։ (Կոլումբիան հուլիսի 3-ի երեկոյան Անգլիայի հետ էր խաղում 2018 թվականի Աշխարհի առաջնությանը)։
Սակայն ամեն ինչ ավելի պարզ է։ Համացանցում որոնումներ կատարելուց հետո Sputnik Արմենիային հաջողվեց գտնել «կե՞ղծ է, թե՞ իրական» հարցի պատասխանը։
Տեսանյութում երևում է, որ աշտարակներից մեկում տեխնիկական սխալ է տեղի ունեցել։ Կապույտը (Ադրբեջանի դրոշից) մնացել է այն բանից հետո, երբ աշտարակը «բոցավառվել է»։
Մեջտեղում կապույտի, ինչպես նաև կրակի կարմիր լեզվակների հետ մեկտեղ անիմացիայի վերևում Հայաստանի դրոշի գույներ են ստացվել։
Այնպես որ Կոլումբիան կապ չունի, բայց իրավիճակն իսկապես զավեշտալի է։