ՀՀ պաշտպանության նախարարությունն այց էր կազմակերպել Նախիջևանի սահմանին գտնվող առաջնագիծ։ Այցի շրջանակում լրագրողները հայկական և ադրբեջանական կողմերի կրակակետերի դասավորվածությունը սեփական աչքերով տեսնելու հնարավորություն ունեցան։
Լրագրողների այցելած դիրքերի և հակառակորդի մոտակա կրակակետի միջև եղած հեռավորությունը 1700 մետր է։
Sputnik Արմենիայի թղթակիցը հայտնում է, որ ադրբեջանցիներն առաջ են բերել կրակակետերը, բայց հայերի կողմից «օկուպացված» տարածքների ազատագրման մասին խոսակցություններն իրականությանը չեն համապատասխանում։
Ավելի վաղ Ադրբեջանի պաշտպանության նախարար Զաքիր Հասանովը հայտարարել էր, թե իբր հաջող գործողությունների արդյունքում ադրբեջանական բանակը «11 հազար հեկտար է ազատել օկուպացիայից»։ Ի պատասխան ՀՀ ՊՆ-ն «շնորհավորել» էր Հասանովին «սեփական տարածքներն ազատագրելու» կապակցությամբ։
Հայկական կողմն ադրբեջանցիների առաջխաղացմանը համապատասխան միջոցներով է պատասխանել և նոր կրակակետեր է տեղադրել։
Այն կետը, որտեղ եղել են հայ լրագրողները, գերիշխող դիրք ունի և թույլ է տալիս լիովին վերահսկել հակառակորդի տեղաշարժը։
«Հանուն արդարության նշենք, որ ադրբեջանական դիրքերից երևում են Արենի գյուղն ու խաղողի այգիները, բայց հեռավորությունը վտանգավոր չէ։ Հակառակորդը պետք է առնվազն հրետանի կիրառել գյուղը գնդակոծելու համար», — ասում է Sputnik Արմենիայի թղթակիցը։
Մանրամասները դիտեք տեսանյութում։