ԵՐԵՎԱՆ, 21 հունիսի — Sputnik. ՀՀ առողջապահության նախարարությունը ստուգումներ է անցկացնում Երևանի «Սուրբ Գրիգոր Լուսավորիչ» բժշկական կենտրոնում։
Այս տեղեկությունը Sputnik Արմենիայի հետ զրույցում հաստատեց ՀՀ առողջապահության նախարարության մամուլի խոսնակ Լիանա Եղիազարյանը։
«Ուսումնասիրությունները դեռ շարունակվում են: Դրանք կտևեն մոտ 2 ամիս: Բայց այս ընթացքում արդեն արձանագրվել են բազմաթիվ խախտումներ»,–ասաց Եղիազարյանը:
Իսկ թե կոնկրետ ինչ խախտումներ են հայտնաբերվել, Եղիազարյանը չմանրամասնեց։
Իսկ «Սուրբ Գրիգոր Լուսավորիչ» բժշկական կենտրոնի ընտրությունը պայմանավորված նրանով, որ բուժհաստատությունը առողջապահության նախարարության ենթակայությամբ գործող հիմնարկ է:
«Սուրբ Գրիգոր Լուսավորիչ» բժշկական կենտրոնը ղեկավարում է Արա Մինասյանը։