ԵՐԵՎԱՆ, 6 հունիսի — Sputnik. Ֆուտբոլի աշխարհի առաջնությանն ընդառաջ Երևանում այս ուրբաթ կբացվի «Երկրպագուի ռուսական տունը» ։ Sputnik Արմենիային այս մասին հայտնեց Երևանում գիտության և մշակույթի ռուսական կենտրոնի մամուլի քարտուղար Լիանա Ազոյանը։
Արարողությանը կմասնակցեն Հայաստանի ֆուտբոլի վետերանների միության անդամները։
«Երկրպագուի տան շնորհանդեսը կմեկնարկի ֆուտբոլային թիմերի վետերաններին նվիրված ցուցահանդեսի բացումով։ Հետո ֆուտբոլի աշխարհի առաջնությանը նվիրված պաստառի, դրա խորհրդանիշի` Զաբիվակա գայլի ու հուշանվերների ցուցադրական տաղավարի ֆոնին առաջնության անցկացման մասին լիարժեք տեղեկություն կներկայացվի։ Վերջում վետերաններին Աշխարհի առաջնության հուշանվերներով փաթեթներ կհանձնեն», — ասաց Ազոյանը։
2018 թվականի ֆուտբոլի աշխարհի առաջնությունն անցկացվելու է հունիսի 14-ից հուլիսի 15-ը Ռուսաստանում, մրցաշարերն անցկացվելու են 11 քաղաքի 12 մարզադաշտում։
Խաղերն անցկացվելու են Մոսկվայում, Սանկտ Պետերբուրգում, Կազանում, Սոչիում, Եկատերինբուրգում, Կալինինգրադում, Սամարայում, Սարանսկում, Դոնի Ռոստովում, Վոլգոգրադում։ Բացման խաղը տեղի կունենա Մոսկվայում հունիսի 14-ին «Լուժնիկի» մարզադաշտում։ Առաջնության եզրափակիչ խաղը նույնպես կանցկացվի «Լուժնիկի» մարզադաշտում հուլիսի 15-ին։