ԵՐԵՎԱՆ, 31 մայիսի — Sputnik. Սիրայի նախագահ Բաշար Ասադը նշել է, որ Սիրիայում զինյալները արտերկրից ցուցումներ են ստանում հաշտության չգնալու վերաբերյալ։ Այս մասին նա ասել է RT–ին տված հարցազրույցում։
«Որքան ավելի մոտենում ենք պատերազմի ավարտին, այնքան ավելի ուժեղ է դիմադրությունը… Որքան ավելի հաջող են հաշտությանը գործողությունները ընթանում, այդքան ավելի ակտիվ են ահաբեկիչները սկսում սպանել, քանդել և փորձել նոր տարածքներ գրավել… Երբ սկսեցինք այս գործընթացը, մի շարք շրջաններում ներկա այլ ուժեր փորձում էին խաթարել այն, քանի որ նրանք ցուցում ունեն արտերկրից` որևէ հաշտության չգնալ։ Բնականաբար, գումարների հետ մեկտեղ նաև ցուցումներ են ստանում», – ասաց Ասադը RT–ին տված հարցազրույցում։
«Սակայն որքան ուժեղ է սրվում իրավիճակը, այնքան ավելի վճռական ենք տրամադրվում խնդրի լուծմանը, քանի որ մենք այլընտրանք չունենք։ Կամ մենք ունենք երկիր, կամ չունենք», – ընդգծել է նա։
Ասադը նաև հայտնել է, որ Սիրիայում իրանական զորքեր չկան, անկախ Իսրայելի հայտարարությունից, սակայն կան Իրանից խորհրդատուներ, որոնք «աջակցում են սիրիական բանակին»։
«Սիրիայում իրանցիների մասին իսրայելական սուտն ամենից վառ ապացուցում է հետևյալ փաստը։ Մի քանի շաբաթ առաջ Իսրայելի ՌՕՈՒ–ն ավիահարվածներ է հասցրել մեր տարածքներին։ Ինչպես պնդում էին, թիրախն իրանական ռազմաբազաներն ու ճամբարներն էին։ Սակայն տուժածների և մահացածների շարքում տասնյակ սիրիացիներ կային և ոչ մի իրանցի։ Այնպես որ, բոլոր այդ պնդումները սուտ են», – ավելացրեց նախագահը։
Սիրիայում զինված հակամարտությունը շարունակվում է 2011 թվականի մարտից։ Կարգավորումը քննարկվում է Աստանայի և Ժնևի հարթակներում, իսկ Սոչիում հունվարի 30-ին կայացած սիրիական ազգային երկխոսության կոնգրեսը նույն բանակցային հարթակում մասնակիցների լայն կազմին հավաքելու առաջին փորձն էր։