«Հունական աղցանը շատ տարածված է Երևանում։ Ինձ հաճախ են հարցնում՝ ինչպես ճիշտ պատրաստել։ Ես կսովորեցնեմ հունական աղցան պատրաստել։ Այն թարմացնող է, հեշտ է մարսվում ու արագ է պատրաստվում», — Sputnik Արմենիայի թղթակցի հետ զրույցում ասաց երևանյան հաստատություններից մեկի շեֆ-խոհարար, հայ խոհարարական ավանդույթների զարգացման և պահպանման ՀԿ-ի տնօրեն Արբի Կարխանին։
«Հունական աղցան» պատրաստելու համար անհրաժեշտ է լոլիկ, վարունգ, բուլղարական պղպեղ, ձիտապտուղ, կարմիր սոխ, ձիթապտղի յուղ, խնկածաղիկ սովորական, աղ, սև պղպեղ, չոր անանուխ, լայմ, «Ֆետա» պանիր։
«Ամենակարևոր բաղադրիչը «Ֆետա» պանիրն է։ Հունաստանում աղցանն անվանում են «Էլինիկի», ու եթե ուտելու ընթացքում աղցանի պանիրն ավարտվում է, այն կրկին մատուցում են առանց հավելյալ վճարի», — ասաց Կարախանին։
Նրա խոսքով՝ աղցանի մեջ պարտադիր պետք է կարմիր սոխ լինի, ամենակարևորը՝ մեծ–մեծ կտրատած։
Երկրորդ ուտեստը՝ «Սաղմոնի սթեյքը», ինչպես աղցանը, դիետիկ է։ Այն բաղկացած է սաղմոնից, սերուցքից, կիտրոնից, կարագից, սև պղպեղից, ծովային աղից, ձիթապտղի յուղից։