ԵՐԵՎԱՆ, 16 մայիսի — Sputnik. Վերադարձրեք «Արարատի» նախկին մեծությունն ու փառքը։ Նման կոչով է դիմել ռուսաստանցի մարզական մեկնաբան Վլադիմիր Ստոգնիենկոն, փոխանցում է Sport24.ru–ն։
Ստոգնիենկոն կոչ է արել հայ գործարարներին զբաղվել երևանյան «Արարատով»։
«Եթե ինձ լսում են հարուստ հայ գործարարները, հովանավորե՛ք Երևանի «Արարատ» ակումբը, վերադարձրեք նրա նախկին մեծությունն ու փառքը։ Նման ակումբը չպետք է ստվերում մնա», – ասել է Ստոգնիենկոն Sport24.ru–ի թղթակից Արարատ Մամբրեյանի հետ զրույցում։
«Արարատը» ԽՍՀՄ չեմպիոն էր դարձել 1973 թվականին, 1993 թվականին հաղթել Հայաստանի առաջնության ժամանակ, չորս անգամ դարձել արծաթե մեդալակիր և երեք անգամ բրոնզե մեդալակիր։ Ընթացիկ խաղաշրջանում առաջնության ավարտից մեկ տուր առաջ նա վերջին տեղն է զբաղեցնում։