Այս միջոցառման շնորհիվ հայ գինեգործները կարողանում են ներկայացնել իրենց արտադրանքը, իսկ այցելուներն էլ մասնակցում են տարբեր գինիների համտեսին և հեռանում են իրենց հավանած խմիչքով։
Այս տարի միջոցառմանը միացել են 5 նոր արտադրողներ, ընդ որում բոլորն էլ` Արցախից։
Համտեսի արժեքը 4000 դրամ է (յուրաքանչյուր տաղավարի մոտ 1 անգամ)։ Այս տարի միջոցառումը նվիրված է Երևանի 2800-ամյակին։ Sputnik Արմենիայի թղթակիցը զրուցել է այցելուների հետ։
Միջոցառումը կազմակերպել է «Էվենտտուրա» ընկերությունը՝ Երևանի քաղաքապետարանի, ՀՀ տնտեսական զարգացման և ներդրումների նախարարության Զբոսաշրջության պետական կոմիտեի, Հայաստանի զբոսաշրջության զարգացման հիմնադրամի, ինչպես նաև «Ջի-Այ-Զեթ Հայաստան» կազմակերպության աջակցությամբ: