Ավանդույթի համաձայն` տոնի համար աղջիկ են ընտրում, որը պետք է մարմնավորի Օռլեանի կույսին։ Ժաննա դ՛Արկին թուր են հանձնում, բացի այդ, նրան են վստահում նաև Ֆրանսիայի ճակատագիրը։
Այս տարի Օռլեանի կույսի դերի 250 հավակնորդներից ընտրել էին սևամորթ Մատիլդա Իդե Համասային։ Մատիլդան պապի կողմից աֆրիկացի է, մայրը` լեհուհի է։
Այդպիսի ընտրությունը բոլորին չէ, որ դուր է եկել։ Սոցցանցերում և մամուլում բուռն քննարկում է ծավալվել կազմկոմիտեի որոշման նպատակահարմարության վերաբերյալ։
Վեճերն այնքան բուռն էին, որ Օռլեանի դատախազությունը ստիպված էր հետաքննություն իրականացնել ռասայական ատելության և խտրականության փաստով։
Ժաննա դ՛Արկը գեղջկուհի էր, որը գլխավորեց ֆրանսիական զորքը և վերջ դրեց Օռլեանի պաշարմանը։ Դա շրջադարձային պահ էր Անգլիայի հետ հարյուրամյա պատերազմում։