Արարատ Միրզոյան
© Sputnik
«Ելք» խմբակցությունը քվեարկել և միաձայն որոշել է ՀՀ վարչապետի պաշտոնում առաջադրել Նիկոլ Փաշինյանի թեկնածությունը։
Այս մասին ԱԺ–ում կայացած «Ելք» խմբակցության նիստից հետո լրագրողներին ասաց խմբակցության պատգամավոր Արարատ Միրզոյանը։
«Ապագա կառավարության մասին որևէ հարց չի քննարկվել, անուններ չեն շրջանառվել։ Քննարկել ենք օրենսդիր մարմնում մեր աշխատանքի վերաբերյալ որոշ դետալներ»,–ասաց Միրզոյանը` պատասխանելով Sputnik Արմենիայի հարցին։
Նրա խոսքով` վարչապետի ընտրության թեմայով «Ելքն» այսօր հանդիպումներ է ունենալու ԱԺ բոլոր խմբակցությունների հետ։ «Վստահ եմ, որ մեր պետության և պետականության համար մտահոգ բոլոր պատգամավորները քվեարկելու են Նիկոլ Փաշինյանի օգտին։ Վստահ եմ, որ խնդիր չենք ունենալու»,–ասաց պատգամավորը։