«Հին հայկական ուտեստ է, հնում բրնձով փլավի մեջ չիր էին ավելացնում։ Մենք մի փոքր փոխել ենք բաղադրատոմսը, ավելացրել հորթի ծեծած միս», — Sputnik Արմենիային ասաց խոհարար Աննա Մաթևոսյանը։
«Տապակա Արարատ» պատրաստելու համար պետք է եփել բրինձը, տապակել նախապես համեմված հորթի միսը։ Բրինձը պետք է լցնել ափսեի մեջ` Արարատ լեռան տեսք տալով, վրան լցնել տապակած չրերը, ընկուզեղենն ու չամիչը։ Խոհարարը բրնձի կողքին դնում է միսը, որը Հայաստանի տարածքն է անվանում և այդ ամենի վրա լցնում թթվասերից ու քրքումից պատրաստած սոուսը, որը խորհրդանշում է Արաքս գետը։