ԵՐԵՎԱՆ, 28 ապրիլի — Sputnik. Ռուսաստանի համար Հայաստանում իշխանության ընտրության ապօրինի ճանապարհն անընդունելի է։ Այս մասին այսօր լրագրողներին ասաց Եվրասիական ինտեգրացման և համերկրացիների հետ կապերի գործերով հանձնաժողովի նախագահի առաջին տեղակալ, ԱՊՀ երկրների ինստիտուտի ղեկավար, ՌԴ Անվտանգության խորհրդին կից գիտխորհրդի անդամ Կոնստանտին Զատուլինը։
Նա ընդգծեց, թե այժմ Ռուսաստանի համար ամենակարևոր է, որ նոր վարչապետին ընտրեն օրինական ճանապարհով։ Հենց այդ մասին է խոսվել Հայաստանում ռուս և հայ պատգամավորների պատվիրակությունների հանդիպման ժամանակ։
Պետք է աջակցություն ցուցաբերել Հայաստանի գործադիր մարմնին, որը ապահովում է երկրի անվտանգությունն ու անդորրը։
«Բավականին անսպասելիոեն Կարեն Կարապետյանը դարձավ գործադիր իշխանության ղեկավար։ Մենք ողջունում ենք նրա ջանքերը` ուղղված քաղաքացիների իրավունքների պահպանմանը, նաև երկրի հանգստությանն ու անվտանգության պահպանմանը», — հայտնեց Զատուլինը։
Այնուամենայնիվ ` Ռուսաստանի իշխանությունները սկզբունքային են, նա ընդգծեց, որ միայն Հայաստանի ժողովուրդն է որոշում `ով է ղեկավարելու երկիրը։
Հիմա դե պարզ չէ` ով է առաջադրվելու վարչապետի պաշտոնում։ Փաշինյանն արդեն առաջադրվել է։ Ամենայն հավանականությամբ Հանրապետական կուսակցությունը Կարեն Կարապետյանին կառաջադրի։ Հնարավոր է, «Ծառուկյան» դաշինքը առաջադրի Գագիկ Ծառուկյանին։
«Հնարավոր չեմ համարում սեփական կարծիքս հայտնել, ի վերջո մեզ համար կարևոր է ընտրության օինականությունը», — հայտնեց Զատուլինը։
Իսկ եթե նոր վարչապետը, ով ուզում է լինի, հեղափոխության միջոցող իշխանության գա, այդ ժամանակ, ըստ նրա, ոչ միայն Ռուսաստանում, այլև ողջ աշխարհում կմտածեն` արդյո՞ք այդ կառավարությունը օրինական կերպով է եկել։
Զատուլինն ամփոփեց, որ այսպես թե այնպես Հայաստանի ցանկացած կառավարության հետ Ռուսաստանը պատրաստ է դաշնակցային հարաբերությունների` նման վերաբերմունքի հույս ունենալով։
Մայիսի 1-ին Ազգային ժողովում կկայանա նիստ, որի ժամանակ կքննարկվի վարչապետի ընտրության հարցը։
Խորհրդարանական մեծամասնությունը ՀՀԿ-ի կողմնակիցներն են։ Հանրապետականները միայն իրենց ներուժով ու ձայներով կարող են անցկացնել իրենց թեկնածուին։