ԵՐԵՎԱՆ, 20 ապրիլի — Sputnik. Այսօր «Մոսկվա» կինոթատրոնում երիտասարդ ցուցարարները ընդհատել են կինոդիտումը և կոչ արել միանալ պայքարին։
«Մոսկվա» կինոթատրոնում այսօր ժամը 19։00–ին նախատեսված էր ռեժիսոր Սուրեն Բաբայանի «Հողաչափիչները» ֆիլմի պրեմիերան։ Դրան մասնակցելու համար կինոթատրոն էին շտապել մի շարք արվեստագետներ, մտավորականներ։
Երիտասարդ կինոգործիչներ ակտիվիստները ընդհատել են Սուրեն Բաբայանի ֆիլմի պրեմիերան և կոչ արել մասնակիցներին միանալ ցուցարարներին։
Նշենք, որ ֆիլմի պրեմիերան տեղի էր ունենում այն ժամանակ, երբ Հանրապետության հրապարակում ընթանում էր «Իմ քայլը» նախաձեռնության բազմամարդ հանրահավաքը։