Ինձ համար իշխանությունը վայելք չէ

Նրանց, ովքեր իր բնորոշմամբ չեն սիրում իրեն, Սերժ Սարգսյանը խորհուրդ է տվել զինվել համբերությամբ և հետևել, թե երկիրն ինչպես է զարգանում, եզրակացություններ անել:
Sputnik

ԵՐԵՎԱՆ, 19 ապրիլի — Sputnik. «Շանթ» հեռուստաընկերությանը տված հարցազրույցում անդրադառնալով վարչապետի պաշտոնում իր թեկնածության առաջադրմանը՝ ՀՀ վարչապես Սերժ Սարգսյանը հավաստիացրեց, որ դա իր քաղաքական ուժի որոշումն էր, և որևէ հարկադրանք չի եղել:

«Հարցրեք մեր խորհրդակցությունների մասնակիցներին՝ այլ կարծիքներ, առաջարկներ եղել են արդյոք, որևէ հարկադրաք եղել է արդյոք, իհարկե, այդպիսի բան չի եղել, դա նրանց որոշումն է: Հասկանալի չէ, թե ինչու այդ կուսակցությունն այդպիսի իրավունք չպետք է ունենա, արդյոք դա օրենքի խախտում է… »,- իր տարակուսանքն է հայտնել վարչապետը:

Ցանկություն չկա հարկադրանքի միջոց կիրառելու, բայց չի կարող երկրում ամենաթողություն տիրել

Ըստ նրա՝ որևէ խախտում չի եղել, իսկ նրանք, ովքեր այդպես են մտածում, կարող էին ընտրությունների ժամանակ ավելի շատ քվե ստանալ և վարչապետի իրենց թեկնածուին առաջադրել:

«Հիմա ամեն ընտրությունից մի քանի ամիս հետո մարդկանց մի խումբ պետք է ասի, թե մեզ ձեռնտու չէ, չենք սիրում, ատում ենք կամ այս մադուն չենք ընդունում, չենք ուզում, որ նա լինի վարչապետ, եկեք նոր ընտրություններ անցկացնեք… Այդպես երկիրն արդյոք զարգանալու է»,- հարց է բարձրացրել Սերժ Սարգսյանը:

Նրանց, ովքեր իր բնորոշմամբ չեն սիրում իրեն, Սերժ Սարգսյանը խորհուրդ է տվել զինվել համբերությամբ և հետևել, թե երկիրն ինչպես է զարգանում, եզրակացություններ անել:

Իսկ եթե այդ զարգացումները համոզիչ չլինեն, ապա նոր ընտրություններում կարող են իրենց քվեները տալ իրենց ցանկացած թեկնածուին, կամ մարդկանց համոզել և վաստակել նրանց քվեները ու, ինչպես իրենք են կարծում, վայելեն այս իշխանությունը:

Վարչապետը նաև հավելել է, որ իր համար իշխանությունը վայելք չէ, ինչպես կարծում են շատերը: