ԵՐԵՎԱՆ, 13 ապրիլի — Sputnik. Ка-29 ուղղաթիռը, որում անձնակազմի 2 անդամ է եղել, կործանվել է Բալթիկ ծովում գիշերային փորձնական թռիչքներ իրականացնելիս։ Այս մասին հայտնում է Բալթիկ նավատորմի մամուլի ծառայությունը։
«2018 թվականի ապրիլի 12-ին Մոսկվայի ժամանակով ժամը 23.30–ի սահմաններում Բալթիկ ծովում գիշերային փորձնական թռիչքներ իրականացնելիս վթարվել է Ка-29 ուղղաթիռը։ Այնտեղ գտնվող ուղղաթիռ արտադրող ընկերության փորձարկող–օդաչուներից երկուսը մահացել են», – գրված է հաղորդագրության մեջ։
Ինչպես հայտնում է ՌԴ ՊՆ–ն, Ка-29 վթարման վայրում Բալթիկ նավատորմի ուժերով որոնողական գործողություններ են իրականացվում։ Նշվում է, որ թռիչքը տեղի է ունեցել սովորական եղանակային պայմաններում։
Ка-29–ը նավային տրանսպորտամարտական ուղղաթիռ է։