Արշակ Սարգսյանը 3 տարի առաջ կարողացավ իր երազանքի ստուդիան իրականություն դարձնել։ Sputnik Արմենիայի թղթակիցներն այցելել են նկարչի արվեստանոց և զրուցել նրա հետ։
Եռահարկ հսկայական արվեստանոց. այսքան տարածք է հարկավոր նկարիչ Արշակ Սարգսյանին իր համար ամենաթանկ բաները տեղավորելու համար։ Առաջին հերթին` իր նկարներն ու նկարչական պարագաները, հետո` յուրահատուկ կահույքն ու երաժշտական կենտրոնը։ Ինչպես նաև աշխարհի տարբեր ծայրերից բերված էկզոտիկ ու ոճային իրերը։
Սարերով, ժայռերով ու գետերով շրջապատված նկարիչը ստեղծում է այլ աշխարհ, որը արվեստագետները մոգական ռեալիզմ են անվանում։