ԵՐԵՎԱՆ, 12 ապրիլի — Sputnik. Թուրքիայի խորհրդարանի հայազգի պատգամավորը կարող է զրկվել մանդատից ու հայտնվել ճաղերի հետևում։
Թուրքիայի դատախազությունը որոշել է զրկել Փայլանին պատգամավորական անձեռնմխելիությունից` նրա դեմ հարուցված քրեական գործի շրջանակներում։
Թուրքական «Անադոլու» գործակալությունը հայտնում է, որ դատախազությունում քննություն է սկսվել Թուրքիայի ընդդիմադիր Ժողովրդադեմոկրատական կուսակցության 8 անդամի, այդ թվում՝ հայազգի պատգամավոր Կարո Փայլանի դեմ։
Փայլանը մեղադրվում 2017 թվականի մայիսի 1-ին Կանադա կատարած այցի ընթացքում տված հարցազրույցներից մեկում թուրք ժողովրդին և Թուրքիա պետությանը, կառավարությանը, նախագահին, պետության զինվորին կամ անվտանգության ուժերին վիրավորելու, ինչպես նաև ահաբեկչական կառույցների օգտին քարոզչությամբ զբաղվելու, քաղաքական կուսակցությունների կանոնակարգին դեմ գործելու համար։
Հայազգի պատգամավորին ու նրա կուսակից 8 ընկերներին պատգամավորական մանդատից զրկելու հարցով Անկարայի դատախազությունն արդեն դիմել է արդարադատության նախարարություն, որի հաստատումից հետո հարցը կներկայացվի խորհրդարան` օրենքով նախատեսված գործընթաց սկսելու համար։