Ինչպես Sputnik Արմենիայի թղթակցին հայտնեց ռադիոֆիզիկայի և էլեկտրոնիկայի ինստիտուտի գիտաշխատող Գուրգեն Արաբաջյանը, յուրաքանչյուր առանձին տվիչ պատասխանատու է փոքր տարածքի վերահսկողության համար, իսկ բոլորի աշխատանքը կարելի է հսկել ընդհանուր ցանցի միջոցով: Այդ սարքերը հայտնաբերում են իրենց տեսադաշտում հայտնված ցանկացած առարկա ինֆրակարմիր ջերմային ճառագայթների միջոցով:
Արաբաջյանը ներկայացնելով սարքն՝ ասաց, որ այն սնուցվում է արևային մարտկոցներով, իսկ երբ արև չկա, այն կարող է ևս յոթ օր աշխատել՝ կուտակած էներգիայի հաշվին:
Այդ մոդելը ստեղծվել է վերջին տարիներին և արդեն փորձարկվել է դաշտային պայմաններում: Այժմ սարքն արտադրվում է մեծ քանակությամբ: