ԵՐԵՎԱՆ, 22 մարտի — Sputnik. Հանրապետության հրապարակում Հայաստանի առաջին հանրապետության և մայիսյան հերոսամարտերի 100-ամյակին նվիրված մեծ համերգը կարժենա 421 միլիոն դրամ։ Նման որոշում է այսօր կայացրել ՀՀ կառավարությունը` աշխատակազմի ղեկավար Վահե Ստեփանյանի առաջարկով նիստի օրակարգում ընդգրկված նախագծով։
Գումարն ամբողջությամբ հատկացվելու է համերգի միակ կազմակերպիչ «Մեցցո Պրոդաքշն» ընկերությանը։ Գումարը կհատկացվի դրամաշնորհի տեսքով։
Որոշման նախագծում նշված է, որ «հաշվի առնելով նախատեսվող միջոցառումների ծավալները և դրանց կազմակերպման համար նախատեսված ժամանակի սղությունը»` կառավարությունը որոշել է գումարը տրամադրել առանց մրցույթ անցկացնելու։
Թե ինչ տոնական ծրագիր է նախատեսվում իրականացնել 421 միլիոն դրամի շրջանակում, առայժմ չի բացահայտվում։