Արմավիրի մարզի` Արարատի ստորոտին գտնվող Փշատավան գյուղում ֆերմերային նոր տնտեսություն է ստեղծվել, որտեղ ջայլամներ են բուծում։ Ֆերմայի տարածքում 500 թռչուն է ապրում։
«Էկզոտիկ» բիզնեսի սեփականատերերը պնդում են` դեռ վաղ է շահույթի մասին խոսել, 2008 թվականից սկսած առայժմ այդ բիզնեսում միայն մեծ ներդրումներ են կատարվում։
Հայաստանում ջայլամի մսից բաստուրմա, սուջուխ և ղաուրմա են պատրաստում։ Թռչնաբույծները հույս ունեն, որ հայկական շուկայում ջայլամների օգտակար միսը պահանջարկ կունենա, որից հետո միայն կմտածեն այն տարածաշրջանի երկրներ և Եվրոպա արտահանելու մասին։